Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 263 Hüküm no: 369 Orijinal metin no: [49a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Ağa ile hanımı Şerife Zeynep’in boşandıkları Tatlîk Ma‘rûz İstanbul’da Sultanahmed kurbünde Nahilbend mahallesinde sâkine mu‘arrefetü’z-zât Şerife Zeyneb bt. İbiş nâm hatun meclis-i şer‘-i şerîf-i enverde zevc-i mutallıkı etbâ‘dan Mustafa Ağa b. Mehmed nâm kimesne muvâcehesinde mezbûr Mustafa Ağa elli bir guruş müeccel tesmiyesiyle zevc-i dâhilim olup işbu târîh-i kitâb günü beni tatlîk etmekle mezbûrun zimmetinde mehr-i müeccel-i mezkûrum olan elli bir guruşu bana edâya ve iddetim <> inkızâsına değin beni infâka zevcim mezbûra tenbîh olunmak matlûbumdur deyü da‘vâ ettikde ol dahi cevâbında müdde‘iyye-i mezbûre ol mikdâr guruş mehr-i müeccel tesmiyesiyle zevce-i menkûha-i medhûlün-bihâsı olduğunu ve ber-vech-i muharrer tatlîkini ikrâr ve i‘tirâf etmeğin mûcebince mehr-i müeccel-i mezkûr elli bir guruşu hâlen ve nafaka-i iddet-i ma‘lûme ve me’ûnet-i süknâsı mukābelelerinde bi’t-terâzî beynlerinde ta‘yîn olunan kırk dokuz guruşu hîn-i istihkākında zevcesi müdde‘iyye-i mezbûre Zeyneb Hatun’a edâya mezbûr Mustafa Ağa’ya tenbîh olunduğu huzûr-ı [âlîlerine i‘lâm olundu] Fî 28 Zilhicce sene [12]55