Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 264 Hüküm no: 371 Orijinal metin no: [49b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Atiyetullah Hatun’un kendisini boşayan kocasındaki mehir bedelinden vazgeçip nafakasının teminine razı olduğu Tatlîk mehr-i müeccelinden meccânen fâriğ ve nafaka akçesine hüküm Ma‘rûz İstanbul’da Silivrikapısı kurbünde Hancıkaragöz mahallesinde sâkine mu‘arrefetü’z-zât Atiyetullah bt. Mehmed nâm hatun İstanbul Bâb Mahkemesi’nde meclis-i şer‘de zevc-i mutallıkı es-Seyyid İsmail b. es-Seyyid Mehmed Emin muvâcehesinde mezbûr es-Seyyid İsmail üç yüz elli guruş mehr-i müeccel tesmiyesiyle zevc-i dâhilim olup işbu târîh-i [i‘lâm] günü beni tatlîk etmekle mezbûrun zimmetinde mehr-i müeccel-i mezkûrum olan üç yüz elli guruşdan rızâmla meccânen fâriğa olmamla meblağ-ı mezkûr mutâlebesine müte‘allika da‘vâdan zevcim mezbûrun zimmetini kabûlü hâvî ibrâ ve iskāt etmemle ancak nafaka-i iddet-i ma‘lûmem ve me’ûnet-i süknâm mukābelelerinde bi’t-terâzî beynimizde ta‘yîn olunan yüz otuz guruşu hîn-i istihkākda zevcim mezbûr bana edâya müte‘ahhid oldu deyü mukırra-ı merkūme Atiyetullah Hatun’un bi’l-cümle takrîr-i meşrûhunu mezbûr es-Seyyid İsmail tasdîk eylediği mübâşirleri Bâb-ı Seraskerî kavaslarından Kengirili (Çankırılı) Mehmed Kavas kulları yediyle huzûr-ı [âlîlerine i‘lâm olundu] Fî 29 Zilhicce sene [12]55