Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 266 Hüküm no: 374 Orijinal metin no: [50a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fındıkçı Said Ağa’nın Tüccar Aziz’e olan borcunu ödemesi 632[8] guruşa sulh Ma‘rûz Tüccârdan Aziz b. Sefer nâm kimesne İstanbul Bâb Mahkemesi’nde meclis-i şer‘de Şam-ı şerîf ahâlîsinden ve fındıkçı esnâfından el-Hâc Said Ağa b. Abdülkadir nâm kimesne muvâcehesinde merkūm el-Hâc Said Ağa zimmetinde târîh-i i‘lâmdan iki ay mukaddem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat badem içi semeninden ba‘de külli’l-hesâb gayr-ı ez-teslîmât sahhu’l-bâkī altı yüz otuz sekiz guruş alacak hakkım olmağla meblağ-ı bâkī-i mezkûru merkūm el-Hâc Said Ağa’dan hâlâ taleb ederim deyü da‘vâ ettikde ol dahi cevâbında kaziyye ber-minvâl-i muharrer üzere olduğunu ikrâr ü i‘tirâf etmeğin alâ-mûcibi ikrârihi meblağ-ı bâkī-i mezkûr altı yüz otuz sekiz guruşu müdde‘î-i merkūm Aziz’e edâ ve teslîmiyle merkūm el-Hâc Said Ağa ilzâm olunduğu mübâşirleri Bâb-ı Seraskerî kavaslarından Said Kavas kulları yediyle huzûr-ı [âlîlerine i‘lâm olundu] Fî 5 Muharrem sene 1256