Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 267 Hüküm no: 376 Orijinal metin no: [50a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed Ağa’nın Hüseyin Ağa’da olan alacağının taksitler halinde ödemesine razı olduğu Te’cîl 300 guruş Ma‘rûz Bâ‘isü’l-i‘lâm Kasab Mehmed Ağa b. Halil nâm kimesne İstanbul Bâb Mahkemesi’nde meclis-i şer‘-i münîrde Hüseyin Ağa b. Osman nâm kimesne muvâcehesinde merkūm Hüseyin Ağa zimmetinde bundan akdem mâlımdan ve yedimden iştirâ ve kabz eylediği vezn ve fiâtı beynimizde ma‘lûm lahm-ı ganem semeninden bâkī alacak hakkım olan dört yüz otuz buçuk guruşun yüz otuz buçuk guruşunu rızâmla hatt ü tenzîl edip lâkin bâkīsi olan üç yüz guruşu medyûnum mezbûrun hâlen [ve] def‘aten bir vechile bana edâya iktidârı olmayıp ber-vech-i âtî te’cîle tâlib olduğunda ben dahi meblağ-ı bâkī-i mezkûr üç yüz guruşu işbu târîhden bana üç ay tamâmına değin tamâmen bana edâ ve îfâ etmek üzere rızâmla medyûnum merkūmu te’cîl eylediğimde ol dahi kabûl ve ber-minvâl-i muharrer müeccelen edâya ta‘ahhüd eyledi deyü ikrâr ve tasdîkleri huzûr-ı [âlîlerine i‘lâm olundu] Fî 3 Muharrem sene [1]256