Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 277 Hüküm no: 392 Orijinal metin no: [52a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Mustafa’nın alacak iddiasıyla Musa’ya açtığı davada sulh olduğu 2000 guruşa sulh Ma‘rûz Yusuf b. Mustafa nâm kimesne İstanbul Bâb Mahkemesi’nde meclis-i şer‘de Musa b. Mehmed Emin nâm kimesne muvâcehesinde mezbûr zimmetinde bundan akdem mâlımdan ve yedimden iştirâ ve kabz eylediği ma‘lûmü’l-aded ve’l-fiyat koyun semeninden ba‘de külli’l-hesâb gayr-ı ez-teslîmât sahhu’l-bâkī iki bin üç yüz doksan beş guruş alacak hakkım olmağla meblağ-ı bâkī-i mezkûru mezbûr Musa’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn mezbûr Musa ile bi’t-tav‘ ve’r-rızâ iki bin guruş üzerine ba‘de akdi’l-musâlahati ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr iki bin guruşun müdde‘î-i merkūm Yusuf’a edâsıyla mezbûr Musa ilzâm olunduğu mübâşirleri Bâb-ı Seraskerî kavaslarından Divriğili Abdullah Kavas kulları yediyle huzûr-ı [âlîlerine i‘lâm olundu] Fî 12 Muharrem sene [1]256