Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 278 Hüküm no: 393 Orijinal metin no: [52a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Ahmed’in Süleyman Ağa’ya açtığı alacak davasında sulh olduğu 90 guruş sulh Ma‘rûz Kasab tâifesinden es-Seyyid Ahmed b. İbrahim nâm kimesne İstanbul Bâb Mahkemesi’nde meclis-i şer‘de teba‘adan Süleyman Ağa b. Halil nâm kimesne muvâcehesinde merkūm Süleyman Ağa zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat lahm-ı ganem semeninden ba‘de külli’l-hesâb gayr-ı ez-teslîmât sahhu’l-bâkī yüz kırk yedi guruş alacak hakkım olmağla meblağ-ı mezkûru mezbûr Süleyman Ağa’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūm Süleyman Ağa ile bi’t-tav‘ ve’r-rızâ doksan guruş üzerine ba‘de akdi’l-musâlaha ve’l-kabûl bedel-i sulh-ı mezkûr doksan guruşun müdde‘î-i merkūm es-Seyyid Ahmed’e edâ ve teslîmiyle mezbûr Süleyman Ağa ilzâm olunduğu huzûr-ı [âlîlerine i‘lâm olundu] Fî 11 Muharrem sene [1]256