Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 279 Hüküm no: 395 Orijinal metin no: [52b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Saliha Hatun’un küçük çocuklarının biriken nafakasının ödenmesi talebiyle boşandığı kocası Süleyman b. İsmail’e açtığı davada sulh olduğu 1355 guruşa sulh [Ma‘rûz] İstanbul’da Edirnekapısı kurbünde Kasımağa mahallesinde sâkine mu‘arrefetü’z-zât Saliha bt. Mustafa nâm hatun İstanbul Bâb Mahkemesi’nde meclis-i şer‘-i münîrde zevc-i sâbıkı Süleyman b. İsmail nâm kimesne muvâcehesinde mezbûr Süleyman ile mukaddemâ zevciyyet beynimizde kāime iken mezbûrun firâşından hâsıllar ve benden mütevellidler ve bi-hakkı’l-hıdâne hâlâ hacr [ü] terbiyemde olan sulbî oğulları Abdullah ve Mehmed Emin nâm sagīrânın bâ-hüccet nafaka-i mukaddere-i mefrûzalarından işbu târîh-i i‘lâma gelince beher şehr otuzar guruşdan müddet-i ma‘lûmeden müctemi‘ olup bi’l-mürâca‘a alacak hakkım olan bin beş yüz beş guruşun mukaddemâ <> iki yüz on guruşunu mukaddemâ bin yüz kırk beş guruşunu dahi bu def‘a mezbûr Süleyman bana edâ ve teslîm ve ol vechile cem‘an bin üç yüz elli beş guruşunu istîfâ etmemle bâkīsi olan yüz elli guruş mutâlebesine ve bi’l-cümle husûs-ı mezkûra ve sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 5 Muharrem sene [1]256