Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 280 Hüküm no: 397 Orijinal metin no: [52b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtıma Hatun’un geçinemediği kocası Mühendis Ahmed Raşid Efendi’den muhalaa yoluyla boşandığı Muhâla‘a Ma‘rûz Mahrûse-i Galata’ya muzâfe kasaba-i Kasımpaşa mahâllâtından Na‘lıncı mahallesinde sâkine sâhibe-i arzuhâl Fâtıma Hatun bt. Ahmed İzzet b. Abdullah’ın eniştesi ve tarafından husûs-ı âti’l-beyânda vekîl olduğu zâtını ârifân İpçiler Kethüdâsı es-Seyyid Zeynelabidin Ağa b. es-Seyyid İsmail ve Haffâf el-Hâc Ali Ağa b. Osman nâm kimesneler şehâdetleriyle ber-nehc-i şer‘î sâbit olan es-Seyyid İsmail Efendi b. Hasan nâm kimesne İstanbul Bâb Mahkemesi’nde meclis-i şer‘de müvekkile-i mezbûrenin zevc-i muhâlı‘ı derûn-ı arzuhâlde ismi mezkûr Mühendis es-Seyyid Ahmed Raşid Efendi b. es-Seyyid Ali nâm kimesne muvâcehesinde mezbûr es-Seyyid Ahmed Raşid Efendi müvekkile-i mezbûrenin bin guruş mehr-i mu‘accel-i müstevfâ ve bin guruş mehr-i müeccel tesmiyeleriyle zevc-i dâhili olup lâkin beynlerinde hüsn-i mu‘âşeretleri olmamağla mezbûrun zimmetinde mütekarrir ve ma‘kūdün-aleyh mehr-i müeccel-i mezkûru olan bin guruş ile nafaka-i iddet-i mu‘ayyene-i ma‘lûmesi üzerlerine ve me’ûnet-i süknâsı dahi müvekkile-i mezbûrenin kendi üzerine olmak üzere mezbûr es-Seyyid Ahmed Raşid Efendi ile bi’l-vekâle muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyyete ve ibtidâ-i zevciyyetden işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i de‘âvî ve kâffe-i mutâlebâtdan tarafeynden her birimiz âharın zimmetini bi’l-asâle ve bi’l-vekâle ibrâ-i âmm-ı sahîh-i şer‘î ve iskāt-ı tamm-ı sahîh-i mer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 17 Muharrem sene [1]256