Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 282 Hüküm no: 400 Orijinal metin no: [53a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zenciye Zeynep’in boşandığı Aşçı Hasan Ağa’nın kendisini tekrar nikâhlaması talebiyle açtığı davanın reddedildiği Takrîr-i meşrûhu üzere tasaddî eylediği da‘vâsı adem-i iltifât Ma‘rûz Medîne-i Üsküdar mahâllâtından Solaksinan mahallesinde sâkine sâhibe-i arzuhâl mu‘arrefetü’z-zât Zenciye Zeyneb Kadın bt. Abdullah İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism Aşçı Hasan Ağa b. Mehmed nâm kimesne muvâcehesinde mezbûr Hasan Ağa iki yüz guruş mehr-i müeccel tesmiyesiyle zevc-i dâhilim iken târîh-i i‘lâmdan üç sene mukaddem İstanbul’da Mahmudpaşa Mahkemesi’nde beni tatlîk ve mehr-i müeccel-i mezkûrum olan iki yüz guruş ile nafaka-i iddet-i ma‘lûmem ve me’ûnet-i süknâm mukābelelerinde bi’t-terâzî beynimizde ta‘yîn olunan yüz guruş ki cem‘an üç yüz guruşu mahkeme-i mezbûrede huzûr-ı hâkimü’ş-şer‘de bana teslîm ben dahi yedinden ahz u kabz etmişidim el-hâletü hâzihî el-yevm ben nefsimi âhara tezvîc etmeyip mücerred merkūm Hasan Ağa mukaddemâ zevcim olmağla öyle olacak yine beni tezevvüc etmek üzere mezbûr Hasan Ağa’ya cebr olunsun deyü takrîr-i meşrûhu üzere tasaddî eylediği da‘vâsı meşrû‘a ve iltifâta şâyân olmadığı müdde‘iyye-i mezbûre Zeyneb Kadın’a tefhîm olunduğu huzûr-ı [âlîlerine i‘lâm olundu] Fî 20 Muharrem sene [1]256