Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 282 Hüküm no: 401 Orijinal metin no: [53a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Attar Ahmed Efendi’ye borcu olan Sıvacı Serkiz’in borcunu ödemesi 570 guruş ikrâr hüküm Ma‘rûz Mısır Çarşısı attârânından Ahmed Efendi b. el-Hâc İsmail nâm kimesne İstanbul Bâb Mahkemesi’nde meclis-i şer‘-i münîrde sıvacı tâifesinden Serkiz [v.] Abet(?) nâm zimmî muvâcehesinde mersûm Serkiz zimmî zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat elvân boya semeninden ba‘de külli’l-hesâb gayr-ı ez-teslîmât sahhu’l-bâkī beş yüz yetmiş guruş alacak hakkım olmağla meblağ-ı bâkī-i mezkûru mersûm Serkiz zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr beş yüz yetmiş guruşun müdde‘î-i merkūm Ahmed Efendi’ye edâsıyla mesfûr Serkiz zimmî ilzâm olunduğu mübâşirleri Bâb-ı Seraskerî kavaslarından Yüzbaşı İsmail Kavas kulları yediyle huzûr-ı [âlîlerine i‘lâm olundu] Fî 20 Muharrem sene [12]56