Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 285 Hüküm no: 406 Orijinal metin no: [54a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Manav Hasan’ın alacak iddiasıyla Tosyalı Hasan Ağa’ya açtığı davayı ispat edemediği 210 guruş men‘ Ma‘rûz Sâhib-i arzuhâl manav esnâfından Hasan b. Hasan nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism Dîvân-ı âlî çavuşlarından Tosyavî Hasan Ağa b. Ömer nâm kimesne muvâcehesinde mezbûr Hasan Ağa zimmetinde târîh-i i‘lâmdan on sene mukaddem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat …? semeninden ba‘de külli’l-hesâb gayr-ı ez-teslîmât sahhu’l-bâkī iki yüz altmış guruş alacak hakkım olmağla meblağ-ı bâkī-i mezkûru merkūm Hasan Ağa’dan hâlâ taleb ederim deyü ba‘de’d-da‘vâ ve’l-inkâr müdde‘î-i mezbûr ber-vech-i muharrer müdde‘âsına ikāmet-i beyyine edemeyip bi’t-taleb mezbûr Hasan Ağa bi’l-muvâcehe vech-i şer‘î üzere tahlîf olunmağın mûcebince müdde‘î-i mezbûr Hasan da‘vâ-yı mezkûresiyle mezbûr Hasan Ağa’ya bilâ-beyyine mu‘ârazadan men‘ olunduğu huzûr-ı â[lîlerine i‘lâm olundu] Fî 3 Zilka‘de sene [12]55