Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 285 Hüküm no: 407 Orijinal metin no: [54a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Mehmed’e borcu olan Halil’in borcunu ödemesi 90 guruş ikrâr hüküm Ma‘rûz Kasab Mehmed b. Osman nâm kimesne İstanbul Bâb Mahkemesi’nde meclis-i şer‘-i münîrde Halil b. Musa nâm kimesne muvâcehesinde mezbûrun zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat lahm-ı ganem semeninden ba‘de külli’l-hesâb gayr-ı ez-teslîmât sahhu’l-bâkī doksan guruş alacak hakkım olmağla meblağ-ı mezkûru mezbûr Halil’den hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr doksan guruşun müdde‘î-i mezbûr Mehmed’e edâ ve teslîmiyle mezbûr Halil ilzâm olunduğu <> mübâşirleri Bâb-ı Seraskerî kavaslarından İsmail Kavas kulları yediyle huzûr-ı [âlîlerine i‘lâm olundu] Fî 29 Zilka‘de sene [12]55