Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 286 Hüküm no: 409 Orijinal metin no: [54a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sivaslı Terzi Karagözoğlu Bogos’a borcu olan Enserci Serkiz ile diğer Serkiz’in borçlarını ödemesi 368 guruş hüküm Ma‘rûz İstanbul’da Irgadpazarı kurbünde Kovaç? hanında mütemekkin derzi esnâfından Sivaslı Karagözoğlu Bogos v. Haçador nâm zimmî İstanbul Bâb Mahkemesi’nde meclis-i şer‘de Enserci Kayseriyeli Serkiz v. Bedros ve diğer Serkiz v. Haçador nâm zimmîler muvâcehelerinde işbu yedimde olup elli beş senesi Cumâdelâhiresi gurresi târîhiyle müverrah bir kıt‘a temessük nâtık olduğu üzere mersûmân Serkiz ve diğer Serkiz zimmîler zimmetlerinde bi’l-ma‘iyye mâlımdan ve yedimden iktirâz ve kabz ve umûruna [umûrlarına] sarfla istihlâk eyledikleri üç yüz altmış sekiz guruş alacak hakkım olmağla meblağ-ı mezkûru mersûmân Serkiz ve diğer Serkiz zimmîlerden hâlâ taleb ederim deyü da‘vâ ettikde onlar dahi cevâblarından külliyen inkâr e<>tmeleriyle müdde‘î-i mesfûr ber-vech-i muharrer müdde‘âsını her biri mahallerinde lede’t-tezkiye makbûlü’ş-şehâde idikleri ihbâr olunan Kuyumcu Serkiz v. Manol ve Oturakçı Ohannes v. Saman nâm zimmîler şehâdetleriyle bi’l-muvâcehe ber-nehc-i şer‘î isbât etmeğin mûcebince meblağ-ı mezkûr üç yüz altmış sekiz guruşu mesfûr Bogos zimmîye bi’l-ma‘iyye edâ ve teslîme mersûmân Serkiz ve diğer Serkiz zimmîler[e] tenbîh olunduğu mübâşirleri Bâb-ı Seraskerî kavaslarından Moravî Hüseyin Kavas kulları yediyle huzûr-ı [âlîlerine i‘lâm olundu] Fî 27 Muharrem sene [1256]