Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 287 Hüküm no: 410 Orijinal metin no: [54b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fâtımatüzzehra Hanım’ın muhalaa yoluyla boşandığı kocası Ahmed Efendi ile zimmet ibrası yaptıkları Muhâla‘a Ma‘rûz İstanbul’da Keçeciler kurbünde Karabaş mahallesinde sâkine sâhibe-i arzuhâl mu‘arrefetü’z-zât Fâtımatüzzehrâ bt. Halil nâm hatun İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism zevc-i mutallıkı Ahmed Efendi b. Ahmed nâm kimesne muvâcehesinde mezbûr Ahmed Efendi yüz elli bir guruş mehr-i müeccel tesmiyesiyle zevc-i dâhilim iken işbu târîhden bir ay mukaddem beni tatlîk etmekle mezbûrun zimmetinde <> mehr-i müeccel-i mezkûrum olan yüz elli bir guruş ile nafaka-i iddet-i bakıyye-i ma‘lûmem ve me’ûnet-i süknâm mukābelelerinde bi’t-terâzî beynimizde ta‘yîn olunan yüz guruş ki cem‘an iki yüz elli bir guruşu zevcim mezbûr bana def‘ ü teslîm ve ben dahi yedinden ahz u kabz etmemle ancak hukūk-ı zevciyyete müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 8 Muharrem sene [12]56