Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 288 Hüküm no: 412 Orijinal metin no: [54b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Hüsnü’nün Ayşe Hatun’a açtığı alacak davasında sulh oldu 600 guruş sulh Ma‘rûz Sâhib-i arzuhâl Hüseyin Hüsnü b. Hasan nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûretü’l-ism mu‘arrefetü’z-zât Âişe bt. Mehmed nâm hatun muvâcehesinde mezbûre Âişe Hatun zimmetinde işbu târîh-i i‘lâmdan dört ay mukaddem mâlımdan ve yedimden iktirâz ve kabz ve umûruna sarfla istihlâk eylediği yedi yüz guruş alacak hakkım olmağla meblağ-ı mezkûru merkūme Âişe Hatun’dan hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūme Âişe ile bi’t-tav‘ ve’r-rızâ altı yüz guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra müte‘allika da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü <> ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr altı yüz guruşun müdde‘î-i merkūm Hüseyin Hüsnü’ye edâ ve teslîmiyle merkūme Âişe Hatun ilzâm olunduğu huzûr-ı [âlîlerine i‘lâm olundu] Fî 22 Muharrem sene [1]256