Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 289 Hüküm no: 413 Orijinal metin no: [54b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Basmacı Mehmed’in Halil’e açtığı alacak davasında sulh oldukları 400 guruşa sulh Ma‘rûz Basmacı es-Seyyid Mehmed b. Mehmed nâm kimesne İstanbul Bâb Mahkemesi’nde meclis-i şer‘de el-Hâc Halil b. Mehmed nâm kimesne tarafından husûs-ı âtîde vekîl olduğu el-Hâc Süleyman Efendi b. Ebubekir ve Hafız İsmail Efendi b. el-Hâc Ali nâm kimesneler şehâdetleriyle sâbit olan Hüseyin Efendi b. Abdullah nâm kimesne muvâcehesinde müvekkilim mezbûr el-Hâc [Mehmed] zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bâ-temessük bin guruş alacak hakkım olmağla meblağ-ı mezkûru müvekkilim mezbûra izâfetle vekîl-i merkūm Hüseyin Efendi’den hâlâ taleb ederim deyü tasaddî eylediğim da‘vâdan bâ-tavassut-ı muslihîn vekîl-i merkūm Hüseyin ile bi’t-tav‘ ve’r-rızâ dört yüz guruş bedel-i medfû‘ ve makbûza ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile bi’l-asâle ve bi’l-vekâle kabûlü hâvî ibrâ ve iskāt eyledik deyü ikrâr ve’t-tasdîkleri tescîl ve bi’l-iltimâs huzûr-ı [âlîlerine i‘lâm olundu] Fî 20 Muharrem sene [12]56