Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 289 Hüküm no: 414 Orijinal metin no: [54b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yorgi’nin Kostandi’ye açtığı alacak davasında sulh oldukları 350 guruş sulh Ma‘rûz Arzuhâl eden Yorgi v. Kosti nâm zimmî İstanbul Bâb Mahkemesi’nde meclis-i şer‘-i münîrde derûn-ı arzuhâlde mastûrü’l-ism Kostandi v. Sava nâm zimmî muvâcehesinde mersûm Kostandi zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin üç yüz guruş alacak hakkım olmağla meblağ-ı mezkûru mersûm Kostandi zimmîden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Kosti zimmî ile bi’t-tav‘ ve’r-rızâ üç yüz elli guruş bede[l-i] medfû‘ ve makbûz[a] sulh olduğumda ol dahi sulh-ı mezkûru ba‘de’l-kabûl mâ‘adâya ve bi’l-cümle husûs-ı mezkûra ve işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i de‘âvîden tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 25 Muharrem sene [12]56