|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 121 Hüküm no: 106 Orijinal metin no: [22a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Düşenbe kazası Karadede köyündeki Susal Seydi Zaviyesi zâviyedarı Seyyid Ali’nin azledilerek yerine Seyyid Mahmud b. Mehmed’in tayini
Sâdır olan fermân-ı âlîlerine imtisâlen Senir ma‘a Düşenbe kazâsı nâibi es-Seyyid Mehmed Tahir Efendi dâ‘îlerinin isti‘lâma cevâb olarak vürûd eden işbu mühr-i mutâbık i‘lâmına ba‘de’n-nazar kazâ-i mezbûrede Karadede karyesinde Susal? Seydi Zâviyesi’nin hâsıl olan öşr-i mahsûlüyle zâviyedârlığı evlâd be-evlâd meşrûtiyet üzere hakk-ı tasarrufu es-Seyyid eş-Şeyh Mahmud b. Mehmed’in olduğu mahâlde meclis-i şer‘-i şerîfde sâbit ve mütehakkık olmağla bu sûretde zâviyedârlık-ı mezkûre mutasarrıfı olan ecânibden es-Seyyid Ali b. es-Seyyid Mehmed’in ref‘inden ber-mûceb-i arz evlâd-ı vâkıfdan merkūm es-Seyyid Mahmud b. Mehmed’e tevcîh ve yedine müceddeden berat-ı şerîf-i âlîşân sadaka ve ihsân buyurulmak husûsu re’y-i sâmîlerine menût idiği huzûr.
Fî-gurreti Za sene [12]49
|