Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 294 Hüküm no: 423 Orijinal metin no: [56a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Zeynep Hatun’un boşandığı kocası Süleyman’a açtığı nafaka zammı davasının kabul edildiği Ma‘rûz İstanbul’da Davudpaşa mahallesinde sâkine derûn-ı arzuhâlde mezkûretü’l-ism mu‘arrefetü’z-zât Şerife Zeyneb bt. es-Seyyid Halil nâm hatun İstanbul Bâb Mahkemesi’nde meclis-i şer‘de zevc-i sâbıkı sâhib-i arzuhâl Süleyman b. Mehmed nâm kimesne muvâcehesinde mezbûr Süleyman ile mukaddemâ zevciyyet beynimizde kāime iken mezbûrun firâşından hâsıllar ve benden mütevellidler ve bi-hakkı’l-hıdâne hâlâ hacr [ü] terbiyemde olan sulbî oğlu [oğulları] <> es-Seyyid Ahmed ve Habib ve kızları Şerife Âişe ve Şerife Fâtımatüzzehrâ nâm sıgārın aslâ mâlları olmayıp nafaka ve kisveye eşedd-i ihtiyâc ile muhtâclar o<>lmalarıyla sıgār-ı mezbûrun nafakalari’çün babaları mezbûr üzerine bir kıt‘a hüccet mantûkunca mukaddemâ farz ve takdîr olunan beher şehr yirmi beşer guruşdan cem‘an yetmiş beş guruş nafakaları kadr-ı ma‘rûfdan ekall olmağla meblağ-ı mecmû‘-ı mezkûr üzerine kadr-ı kifâye meblağ zam ve farz ve takdîr olunmak bi’l-hıdâne matlûbumdur dedikde ol dahi ba‘de’t-tasdîk sıgār-ı mezbûrûnun nafaka-i mukaddereleri olan beher şehr yetmiş beşer guruş üzerine işbu târîh-i i‘lâmdan i‘tibâren beher şehr beşer guruş dahi zam ve ilhâk olunup meblağ-ı mecmû‘-ı mezkûr beher şehr seksen guruş sıgār-ı mezbûrenin [mezbûrenin] nafaka ve kisve ve sâir levâzım-ı zarûriyelerine harc ü sarfa ve lede’l-iktizâ istidâneye ve inde’z-zafer babaları merkūm Süleyman üzerine rücû‘a vâlideleri ve hâzıneleri mezbûre Şerife Zeyneb Hatun’a kıbel-i şer‘den izin verildiği huzûr-ı [âlîlerine i‘lâm olundu] Fî 25 Muharrem sene [1]256