Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 295 Hüküm no: 424 Orijinal metin no: [56b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Mustafa’nın hanımı Şerife Ayşe’ye olan mehrini ödemesi için yapılan tenbih 900 guruş mu‘accel hükmü Ma‘rûz Sâhibe-i arzuhâl mu‘arrefetü’z-zât Şerife Âişe bt. Ebubekir nâm hatun İstanbul Bâb Mahkemesi’nde meclis-i şer‘-i münîrde hâlâ zevci derûn-ı arzuhâlde mezkûrü’l-ism es-Seyyid Mustafa b. Musa muvâcehesinde ben bundan akdem nefsimi dokuz yüz guruş mehr-i mu‘accel ve beş yüz guruş mehr-i müeccel tesmiyeleriyle mezbûr es-Seyyid Mustafa’ya tezvîc ve tenkîh eylediğimde ol dahi tezevvüc ve duhûl edip lâkin mehr-i mu‘accel-i mezkûr dokuz yüz guruşu henüz bana edâ ve îfâ etmemekle suâl olunup mehr-i mu‘accel-i mezkûre dokuz yüz guruşu bana edâya zevcim mezbûra tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu ikrâr ü i‘tirâf etmeğin mûcebince mehr-i mu‘accel-i mezkûr dokuz yüz guruşu zevcesi müdde‘iyye-i merkūme Şerife Âişe Hatun’a edâ ve teslîme merkūm es-Seyyid Mustafa’ya tenbîh olunduğu huzûr-ı [âlîlerine i‘lâm olundu] Fî 17 Muharrem sene [1]256