Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 296 Hüküm no: 426 Orijinal metin no: [56b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kunduracı Karabet’e borcu olan Serkiz’in borcunu ödemesi 500 guruş hüküm Ma‘rûz Kunduracı Karabet v. Nikofor zimmî İstanbul Bâb Mahkemesi’nde meclis-i şer‘-i hatîrde Serkiz v. Eknad nâm zimmî muvâcehesinde mersûm Serkiz zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği beş yüz guruş alacak hakkım olmağla meblağ-ı mezkûr beş yüz guruşu mesfûr Serkiz zimmîden hâlâ taleb ederim deyü da‘vâ ettikde ol dahi cevâbında ber-vech-i muharrer ikrâr ü i‘tirâf etmeğin mûcebince meblağ-ı mezkûr beş yüz guruşun müdde‘î-i mersûm Karabet zimmîye edâsıyla mersûm Serkiz zimmî ilzâm olunduğu mübâşirleri Bâb-ı Seraskerî kavaslarından el-Hâc Yusuf Kavas yediyle huzûr-ı [âlîlerine i‘lâm olundu] Fî 19 Muharrem sene [1]256