Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 297 Hüküm no: 427 Orijinal metin no: [56b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çizmeci Ohannes’in Çizmeci Hüseyin’e olan borcunu ödemesi 240 guruş hüküm Ma‘rûz Çizmeci esnâfından es-Seyyid Hüseyin b. es-Seyyid Mehmed nâm kimesne İstanbul Bâb Mahkemesi’nde meclis-i şer‘-i münîrde esnâf-ı merkūmeden Ohannes v. Bogos nâm zimmî muvâcehesinde mersûm Ohannes zimmî zimmetinde bundan akdem yedimden ve mâlımdan bi-safkatin vâhidetin iştirâ ve kabz eylediği üç çift çizme semeninden altmış guruş ve medyûnum gāib ani’l-meclis Haffâf Sanan oğlu Margariyus nâm zimmîden emr-i tevkîlimle makbûzu olup umûruna sarfla istihlâk eylediği yüz seksen guruş ki cem‘an iki yüz kırk guruşu mersûm Ohannes zimmîden taleb ederim deyü da‘vâ ettikde ol dahi ber-vech-i muharrer ikrâr u i‘tirâf etmeğin alâ-mûcibi i‘tirâfihî meblağ-ı mecmû‘-ı mezkûr iki yüz kırk guruşu müdde‘î-i mezbûr es-Seyyid Hüseyin’e edâ ve teslîme mersûm Ohannes zimmîye tenbîh olunduğu bi’l-iltimâs huzûr-ı [âlîlerine i‘lâm olundu] Fî 17 Muharrem sene [1]256