Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 300 Hüküm no: 433 Orijinal metin no: [57b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mintancı Karabet’in Berber Karabet’e açtığı alacak davasında sulh olduğu 1500 guruşdan 1000 guruşa sulh ve ibrâ Ma‘rûz Nîmtenci tâifesinden Karabet v. Oseb nâm zimmî İstanbul Bâb Mahkemesi’nde meclis-i şer‘-i hatîrde berber tâifesinden diğer Karabet v. Mıgırdıç nâm zimmî muvâcehesinde mersûm Karabet zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin beş yüz guruş alacak hakkım olmağla meblağ-ı mezkûru mersûm Karabet zimmîden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Karabet zimmî ile bi’t-tav‘ ve’r-rızâ bin guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ bi’l-cümle husûs-ı mezkûra ve hukūk-ı sâire-i şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr bin guruşun müdde‘î-i mesfûr Kara[bet] zimmîye edâ ve teslîmiyle mersûm diğer Karabet zimmî ilzâm olunduğu huzûr-ı [âlîlerine i‘lâm olundu] Fî 24 Muharrem sene [1]256