Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 301 Hüküm no: 435 Orijinal metin no: [58a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Neccar Apostol’un Çömlekçi Ahmed’e açtığı olan alacak davasında sulh olduğu 200 guruş sulh Ma‘rûz Neccâr tâifesinden Apostol v. Praşkova nâm zimmî İstanbul Bâb Mahkemesi’nde meclis-i şer‘de çömlekçi esnâfından Ahmed b. Ali nâm kimesne muvâcehesinde târîh-i i‘lâmdan bir ay mukaddem mezbûr Ahmed’in taht-ı tasarrufunda olan İstanbul’da Sultan Bayezid-i velî Han Câmi‘-i şerîfi mahallesinde vâki‘ bir bâb menzilinin iktizâ eden mahallerinin ta‘mîrine mezbûrun bi-şartı’r-rücû‘ emriyle mâlımdan masrûfum olup bi’l-mürâca‘a alacak hakkım olan bin guruşu mezbûr Ahmed’den taleb ederim deyü tasaddî eylediğim da‘vâmdan bâ-tavassut-ı muslihîn mezbûr ile kat‘an li’n-nizâ‘ bi’t-tav‘ ve’r-rızâ iki yüz guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr iki yüz guruşun müdde‘î-i mesfûr Apostol zimmîye edâ ve teslîmiyle mezbûr Ahmed ilzâm olunduğu huzûr-ı [âlîlerine i‘lâm olundu] [Fî] 15 Muharrem sene [1]256