Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 303 Hüküm no: 438 Orijinal metin no: [58b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sandalcı Melkon’un Kuruyemişçi Mehmed’e olan borcunu ödemesi 303 guruşdan ikrâr hüküm Ma‘rûz Kuruyemişçi es-Seyyid Mehmed b. es-Seyyid Veliyyüddin nâm kimesne İstanbul Bâb Mahkemesi’nde meclis-i şer‘de Sandalcı Melkon v. Asador nâm zimmî muvâcehesinde mersûm Melkon zimmî zimmetinde bundan akdem mâlımdan ve yedimden iştirâ ve kabz eylediği ma‘lûmü’l-vezn ve’l-fiyat meyve-i huşk semeninden ba‘de külli’l-hesâb gayr-ı ez-teslîmât sahhu’l-bâkī bâ-temessük üç yüz üç guruş alacak hakkım olmağla meblağ-ı mezkûru mersûm Melkon zimmîden hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr üç yüz üç guruşun müdde‘î-i merkūm es-Seyyid Mehmed’e edâ ve teslîmiyle mesfûr Melkon zimmî ilzâm olunduğu huzûr-ı [âlîlerine i‘lâm olundu] Fî 4 S sene [12]56 <>