Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 303 Hüküm no: 439 Orijinal metin no: [58b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Soğancı Hasan Ağa’nın Yağcı Mehmed Ağa’ya olan borcunu ödemesi 661 guruş hüküm Ma‘rûz Yağcı esnâfından Mehmed Ağa b. Süleyman nâm kimesne İstanbul Bâb Mahkemesi’nde meclis-i şer‘-i münîrde soğancı esnâfından Hasan Ağa b. Halil nâm kimesne muvâcehesinde merkūm Hasan Ağa zimmetinde semen-i mebî‘den yedi yüz altmış bir guruş alacağım olup meblağ-ı mezkûrun yüz guruşunu mukaddemâ bana edâ ve teslîm ben dahi yedinden ahz u kabz etmemle bâkīsi olan altı yüz altmış bir guruşu merkūm Hasan Ağa’dan hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu bi-tamâmihâ tâyi‘an ve kat‘iyyen ikrâr ü i‘tirâf etmeğin alâ-mûcibi i‘tirâfihî meblağ-ı bâkī-i mezkûr altı yüz altmış bir guruşun müdde‘î-i merkūm Mehmed Ağa’ya edâ ve teslîmiyle mezbûr Hasan Ağa ilzâm olunduğu mübâşirleri Bâb-ı Seraskerî kavaslarından Tophâneli Hüseyin Kavas kulları yediyle huzûr-ı âlîlerine [i‘lâm olundu] [Fî] 27 Muharrem sene [12]56