Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 304 Hüküm no: 441 Orijinal metin no: [58b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tatar Ali Ağa’nın Seyyid Ali Ağa’ya olan borcunu ödemesi 1750 guruş hüküm Ma‘rûz Sâhib-i arzuhâl es-Seyyid Ali Ağa b. es-Seyyid Ebubekir nâm kimesne İstanbul Bâb Mahkemesi’nde meclis-i şer‘de derûn-ı arzuhâlde mezkûrü’l-ism Tatar Ali Ağa b. Süleyman nâm kimesne muvâcehesinde mezbûrun zimmetinde semen-i mebî‘den bâ-temessük bin yedi yüz elli guruş alacak hakkım olmağla meblağ-ı mezkûru merkūm Ali Ağa’dan hâlâ taleb ederim deyü da‘vâ ettikde ol dahi cevâbında ikrâr lâkin deynim olan meblağ-ı mezkûr bin yedi yüz elli guruşu bundan akdem ceste ceste tamâmen edâ ve teslîm eyledim deyü müdde‘î-i merkūmun inkârına mukārin eylediği def‘ine ikāmet-i beyyine edemeyip bi’t-taleb mezbûr es-Seyyid Ali Ağa bi’l-muvâcehe vech-i şer‘î üzere tahlîf olunmağın mûcebince dâfi‘-i mezbûr Ali Ağa def‘-i mezkûruyla merkūm es-Seyyid Ali Ağa’ya bilâ-beyyine mu‘ârazadan ba‘de’l-men‘ mezbûr Ali Ağa’nın ikrâr ü i‘tirâfı mûcebince meblağ-ı mezkûr bin yedi yüz elli guruşu müdde‘î-i mezbûr es-Seyyid Ali Ağa’ya edâ ve teslîme merkūm Ali Ağa’ya tenbîh olunduğu huzûr-ı [âlîlerine i‘lâm olundu] Fî 4 S sene [1]256