Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 308 Hüküm no: 448 Orijinal metin no: [59b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Keresteci Kiryako’nun Meryem Nasraniyeye açtığı alacak davasına sulh olduğu 450 guruşa sulh [Ma‘rûz] Keresteci tâifesinden arzuhâl eden Kiryako v. Kostandi nâm zimmî İstanbul Bâb Mahkemesi’nde meclis-i şer‘de derûn-ı arzuhâlde mastûrü’l-ism mu‘arrefetü’ş-şahs Meryem bt. Kirhor nâm Nasrâniye muvâcehesinde mersûme Meryem Nasrâniye zimmetinde işbu târîh-i i‘lâmdan yedi ay mukaddem mâlımdan ve yedimden iştirâ ve kabz eylediği ma‘lûmü’l-ecnâs ve’l-fiyat kereste semeninden ba‘de külli’l-hesâb <> sahhu’l-bâkī bâ-temessük sekiz yüz otuz guruş alacağım olmağla meblağ-ı mezkûru mersûme Meryem Nasrâniyeden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûme Meryem Nasrâniye ile bi’t-tav‘ ve’r-rızâ dört yüz elli guruş üzerine ba‘de akdi’l-musâlahati ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve işbu târîh-i i‘lâma gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü <> ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr dört yüz elli guruşun müdde‘î-i mersûm Kiryako zimmîye edâ ve teslîmiyle mersûme Meryem Nasrâniye ilzâm olunduğu huzûr-ı [âlîlerine i‘lâm olundu] Fî 3 S sene [12]56