Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 308 Hüküm no: 449 Orijinal metin no: [59b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Rukiye Hanım’ın boşandığı kocası Ahmed Ağa’ya açtığı alacak davasını ispat edemediği 632 guruş men‘ Ma‘rûz Medîne-i hazret-i Ebâ Eyyûbe’l-Ensârî -radiye anhu Rabbihi’l-bârî- mahâllâtından Takyeci mahallesinde sâkine sâhibe-i arzuhâl mu‘arrefetü’z-zât Şerife Rukiye bt. Abdullah nâm hatun İstanbul Bâb Mahkemesi’nde m[eclis-i şer‘de] zevc-i sâbıkı Ahmed Ağa b. Halil nâm kimesne muvâcehesinde mezbûr Ahmed Ağa zimmetinde bundan akdem zevciyyet beynimizde kāime iken mâlımdan ve yedimden ceste ceste iktirâz ve kabz ve umûruna sarfla istihlâk eylediği altı yüz otuz iki guruş alacak hakkım olmağla meblağ-ı mezkûru merkūmdan hâlâ taleb ederim deyü ba‘de’d-da‘vâ ve’l-inkâr müdde‘iyye-i mezbûre Rukiye Hatun ber-vech-i muharrer müdde‘âsına ikāmet-i beyyine edemeyip tahlîfe dahi tâlibe olmamağın mûcebince müdde‘iyye-i mezbûre Şerife Rukiye Hatun da‘vâ-yı mezkûresiyle merkūm Ahmed Ağa’ya <> bilâ-beyyine mu‘ârazadan men‘ olunduğu huzûr-ı [âlîlerine i‘lâm olundu] Fî-gurreti S sene [12]56