|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 123 Hüküm no: 109 Orijinal metin no: [22a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Tosya kazası Kargın köyü camisinin imamı olan Ali b. Süleyman’ın kaybettiği beratının yenilenmesi
Ma‘rûz,
Sâdır olan fermân-ı âlîlerine imtisâlen arz ve hâmişinde mastûr derkenâra nazar olundukda [22b] vilâyet-i Anadolu’da Tosya kazâsına tâbi‘ Kargın karyesinde vâki‘ câmi‘-i şerîfde vazîfe-i mu‘ayyene ile bâ-berât-ı âlîşân imâm olan Ali b. Süleyman halîfenin yedinde olan berat-ı şerîf-i âlîşânı bi-kazâillâhi te‘âlâ zâyi‘ olmağla zâyi‘inden ber-mûceb-i kuyûd müceddeden bir kıt‘a berat-ı şerîf-i âlîşân ihsân kılınmak niyâzında kazâ-i mezbûr nâibi el-Hâc Baki es-Seyyid Râşid Efendi dâ‘îlerinin işbu mühr-i mutâbık arzıyla inhâ eder, fi’l-hakīka imâmet-i mezkûre vazîfe-i mu‘ayyenesiyle Ali b. Süleyman’ın üzerinde olduğu derkenârdan müstebân olup merkūm [Ali b.] Süleyman’ın sahib-i berat olduğu ve mazmûn-ı i‘lâmı udûl-i Müslimînden vukū[f]-ı tâmmı olan talebe-i ulûmdan Halil Efendi b. Hüseyin ve Mahmud b. Ahmed nâm kimesneler şehâdetleriyle merkūm Ali b. Süleyman dâ‘îleri yedine halîfeten? zâyi‘den müceddeden bir kıt‘a berat-ı şerîf-i âlîşân inâyet ve ihsân buyurulmak ricâsına huzûr.
Fî 11 Ra sene [12]49
|