|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 123 Hüküm no: 110 Orijinal metin no: [22b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Boyabad kazası Yortan nâhiyesine bağlı İstebani köyü camisi vakfı mütevellisi olan Süleyman b. Abdullah’ın kaybettiği beratının yenilenmesi
Ma‘rûz,
Sâdır olan fermân-ı âlîlerine imtisâlen işbu arz [ve] derkenâra nazar olundukda medîne-i Kastamonu sancağında Boyabad kazâsı muzâfâtından Yorta[n]? nâhiyesine tâbi‘ İstebani nâm karyede vâki‘ ashâb-ı hayrâtdan Ehil Hoca? binâ eylediği câmi‘-i şerîf evkāfının yevmî iki akçe vazîfe ile bâ-berat-ı âlî mütevellîsi olan Süleyman b. Abdullah huzûr-ı şer‘de tevliyet-i mezkûrun yedinde olan beratı bi-kazâillâhi te‘âlâ zâyi‘ etmekle zâyi‘den berat-ı şerîf-i âlîşân sadaka ve ihsân buyurulmasını Kastamonu nâibi İsmail Efendi dâ‘îlerine mühr-i mutâbık arzıyla inhâ etmeğin fi’l-hakīka tevliyet-i mezkûre merkūm Süleyman b. Abdullah’ın [bâ]-berat-ı âlî üzerinde olduğu derkenârdan müstebân ve merkūm Süleyman’ın sahib-i berat idiği ve mazmûn-ı arz kazâ-i mezbûr ahâlîlerinden Der-aliyye’de müsâfireten sâkinler Mehmed Sâdık b. Abdullah ve Mustafa b. ( ) nâm kimesneler alâ-tarîkı’ş-şehâde haber vermeleriyle zâhir ve mütehakkık olmağın bu sûretde tevliyet-i mezkûr ber-mûceb-i derkenâr dârende-i arz merkūm Süleyman b. Abdullah dâ‘îleri yedine zâyi‘inden müceddeden bir kıt‘a berat-ı şerîf-i âlîşân sadaka ve ihsân buyurulmak iktizâ huzûr.
|