Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 309 Hüküm no: 450 Orijinal metin no: [60a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Penbe boyacı Kirhor’un Muşlu Mikail’e açtığı tazminat davasında sulh oldukları 600 guruşa sulh Ma‘rûz Penbe boyacı tâifesinden arzuhâl eden Kirhor v. Avadik nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde mastûrü’l-ism Muşlu Mikail v. Nordik nâm zimmî muvâcehesinde mersûm Mikail zimmî târîh-i i‘lâmdan altı ay mukaddem yanımda hizmetkârım iken mâlımdan hufyeten ahz ve fuzûlî âhara bey‘le istihlâk eylediği ma‘lûmü’l-vakıyye penbe ipliğinin kıymeti olan <> yedi yüz guruşu mersûm Mikail zimmîden tazmîn taleb ederim deyü tasaddî <> eylediğim da‘vâmdan bâ-tavassut-ı muslihîn zimmî-i mersûm ile bi’t-tav‘ ve’r-rızâ kat‘an li’n-nizâ‘ 600 guruş üzerine sulh olduğumda ol dahi sulh-ı mezkûru ba‘de’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve hukūk-ı sâire-i şer‘iyyeye müte‘allika âmme-i de‘âvîden tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr altı yüz guruşun müdde‘î-i mersûm Kirhor zimmîye edâya mersûm Mikail zimmîye tenbîh olunduğu huzûr-ı [âlîlerine i‘lâm olundu] Fî 28 Muharrem sene [12]56