Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 310 Hüküm no: 452 Orijinal metin no: [60a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tütüncü İstefan’ın kefalet dolayısıyla Eyüb Ağa’ya açtığı alacak davasında sulh olduğu 140 guruş sulh Ma‘rûz Tütüncü tâifesinden sâhib-i arzuhâl İstefan v. Yorgi nâm zimmî İstanbul Bâb Mahkemesi’nde meclis-i şer‘-i hatîrde berber esnâfından derûn-ı arzuhâlde mezkûrü’l-ism Eyüb Ağa b. Mehmed nâm kimesne muvâcehesinde benim mezbûr Eyüb Ağa’nın gāib ani’l-meclis İbrahim Edhem Efendi zimmetinde bundan akdem mâlımdan ve yedimden iştirâ ve kabz eylediği on iki vakıyye elli dirhem kahve semeninden yüz yetmiş dört guruş yirmi dört para alacak hakkım olup meblağ-ı merkūm yüz yetmiş dört guruş yirmi dört paraya merkūm Eyüb Ağa tarafeynden bi’l-emr ve’l-kabûl kefâlet-i sahîha-i şer‘iyye ile kefîl ve dâmin olmağla meblağ-ı mezkûr yüz <> yetmiş dört guruş yirmi dört parayı mezbûr Eyüb Ağa’dan kefâlet-i mahkiyesine binâen hâlâ taleb ederim deyü tasaddî eylediğim da‘vâmdan bâ-tavassut-ı muslihîn merkūm Eyüb Ağa ile bi’t-tav‘ ve’r-rızâ yüz kırk guruş üzerine ba‘de akdi’l-musâlaha ve’l-kabûl bedel-i sulh-ı mezkûrdan mâ‘adâ ziyâde müdde‘âma ve bi’l-cümle husûs-ı mezkûra ve hukūk-ı sâire-i şer‘iyyeye müte‘allika da‘vâdan ancak merkūm Eyüb Ağa’nın zimmetini kabûlü hâvî ibrâ ve iskāt eyledim deyü mukırr-ı mersûm İstefan zimmînin bi’l-cümle takrîr-i meşrûhu[nu] mezbûr Eyüb Ağa ba‘de’t-tasdîk bedel-i sulh-ı mezkûr yüz kırk guruşu müdde‘î-i mersûm İstefan zimmînin bi’l-cümle takrîr-i meşrûhunu mezbûr Eyüb Ağa ba‘de’t-tasdîk bedel-i sulh-ı mezkûr yüz kırk guruşu müdde‘î-i mersûm İstefan zimmîye edâ ve teslîme merkūm Eyüb Ağa’ya tenbîh olunduğu huzûr-ı [âlîlerine i‘lâm olundu] [Fî] 29 Muharrem sene 1256