Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 311 Hüküm no: 453 Orijinal metin no: [60b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bakkal Mihal’in Andon’a açtığı alacak davasında sulh olduğu 50 guruşa sulh Ma‘rûz Bakkāl tâifesinden arzuhâl eden Mihal v. Abraham nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde mastûrü’l-ism Andon v. Panayot nâm zimmî muvâcehesinde mersûm Mihal zimmî zimmetinde bundan akdem mâlımdan ve yedimden iktirâz ve kabz ve umûruna sarfla istihlâk eylediği bin beş yüz guruş alacak hakkım olmağla meblağ-ı mezkûru mersûm Andon zimmîden hâlâ taleb ederim deyü tasaddî eylediğim da‘vâmdan bâ-tavassut-ı muslihîn mersûm Andon zimmî ile kat‘an li’n-nizâ‘ bi’t-tav‘ ve’r-rızâ elli guruş bedel-i medfû‘ ve makbûza sulh olduğumda ol dahi sulh-ı mezkûru ba‘de’l-kabûl mâ‘adâ ziyade müdde‘âma ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî-gurreti S sene 1256