Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 316 Hüküm no: 461 Orijinal metin no: [61b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çadırcı Abdi’nin kayın pederi Süpürgeci Hasan’a olan borcunu ödemesi 360 guruşa hüküm Ma‘rûz Süpürgeci es-Seyyid Hasan b. Mehmed nâm kimesne İstanbul Bâb Mahkemesi’nde meclis-i şer‘de dâmadı Çadırcı es-Seyyid Abdi b. es-Seyyid Mehmed nâm kimesne muvâcehesinde dâmadım mezbûrun bundan akdem bi-şartı’r-rücû‘ emriyle zevcesi kızım gāibetü ani’l-meclis Şerife Âişe Hatun’un altı ay müddetde nafaka ve sâir levâzımâtına mâlımdan masrûfum olup bi’l-mürâca‘a hakkım olan üç yüz altmış guruşu dâmadım mezbûrdan hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr üç yüz altmış guruşun müdde‘î-i merkūm es-Seyyid Hasan’a edâ ve teslîmiyle merkūm es-Seyyid Abdi ilzâm olunduğu mübâşirleri Bâb-ı Seraskerî kavaslarından Edirnekapılı Emrullah Kavas kulları yediyle huzûr-ı [âlîlerine i‘lâm olundu] Fî 11 S sene [12]56