Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 316 Hüküm no: 462 Orijinal metin no: [61b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalaycıoğlu Hasan’ın İsmail Ağa’ya açtığı alacak davasında sulh olduğu 340 guruş bedel-i medfû‘a sulh Ma‘rûz Bâ‘isü’l-i‘lâm Kalaycıoğlu el-Hâc Hasan b. Abdullah İstanbul Bâb Mahkemesi’nde meclis-i şer‘de es-Seyyid el-Hâc İsmail Ağa b. Mehmed nâm kimesne muvâcehesinde mezbûr el-Hâc İsmail Ağa târîh-i i‘lâmdan bir sene mukaddem mâlımdan sekiz yüz guruşumu fuzûlî ve bi-gayri hakkın ahz ve istihlâk etmekle meblağ-ı mezkûru merkūm el-Hâc İsmail Ağa’dan damânen taleb ederim deyü tasaddî eylediğim da‘vâmdan bâ-tavassut-ı muslihîn merkūm ile bi’t-tav‘ ve’r-rızâ üç yüz kırk guruş bedel-i medfû‘ ve makbûza ba‘de akdi’l-musâlahati ve’l-kabûl mâ‘adâya ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri tescîl ve [bi’l-]iltimâs huzûr-ı [âlîlerine i‘lâm olundu] Fî 8 S sene [12]56