Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 317 Hüküm no: 463 Orijinal metin no: [61b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Atiyetullah Hatun’un boşandığı kocası Ali Efendi’den mehir bedelini aldığı Tatlîk Ma‘rûz Mu‘arrefetü’z-zât Atiyetullah bt. Abdullah nâm hatun İstanbul Bâb Mahkemesi’nde meclis-i şer‘-i münîrde [zevc-i] mutallıkı Ali Efendi b. Mustafa nâm kimesne muvâcehesinde mezbûr Ali Efendi altı yüz elli guruş mehr-i mu‘accel ve beş yüz bir guruş mehr-i müeccel tesmiyeleriyle zevc-i dâhilim iken târîh-i i‘lâmdan bir gün mukaddem beni tatlîk etmekle mezbûrun zimmetinde mütekarrir ve ma‘kūdün-aleyh mehreyn-i mezkûreynim olan cem‘an bin yüz elli bir guruşu zevcim mezbûr Ali Efendi işbu meclis-i şer‘de bana def‘ ü teslîm ben dahi yedinden ahz u kabz etmemle hukūk-ı zevciyyete ve ibtidâ-i zevciyyetden işbu târîhe gelince sâir cemî‘ hukūk-ı şer‘iyyeye müte‘allika âmme-i [de‘âvî]den tarafeynden her birimiz âharın zimmetini ibrâ-i âmm-ı sahîh-i şer‘î ile kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Halil Kavas kulları yediyle huzûr-ı [âlîlerine i‘lâm olundu] Fî 6 Muharrem sene [12]56