Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 317 Hüküm no: 464 Orijinal metin no: [61b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Ağa’nın Nakkaşbaşı Ömer’e olan borcunu ödemesi 612,5 guruş ikrâr hüküm Ma‘rûz Nakkaşbaşı es-Seyyid Ömer b. es-Seyyid Hüseyin nâm kimesne İstanbul Bâb Mahkemesi’nde meclis-i şer‘de es-Seyyid Hüseyin Ağa b. es-Seyyid İbrahim nâm kimesne muvâcehesinde ben bundan akdem merkūm es-Seyyid Hüseyin Ağa’nın <> bi-şartı’r-rücû‘ emriyle cihet-i karzdan dâyini gāib ani’l-meclis [62a] Sarrâf Aci Asador nâm zimmîye deyni olan sekiz yüz otuz üç guruşu mâlımdan gāib-i mersûma edâ ve teslîm eylediğimden sonra meblağ-ı mezkûrun iki yüz yirmi buçuk guruşunu mezbûr es-Seyyid Hüseyin Ağa bana edâ ve îfâ etmekle bâkīsi olan altı yüz on iki buçuk guruşu mezbûr es-Seyyid Hüseyin Ağa’dan bi’l-muvâcehe? hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı bâkī-i mezkûr altı yüz on iki buçuk guruşun müdde‘î-i merkūm es-Seyyid Ömer Ağa’ya edâ ve teslîme mezbûr es-Seyyid Hüseyin Ağa ilzâm olunduğu mübâşirleri Bâb-ı Seraskerî kavaslarından Erzurumî Mehmed Kavas kulları yediyle huzûr-ı [âlîlerine i‘lâm olundu] Fî 4 S sene [12]56