Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 319 Hüküm no: 466 Orijinal metin no: [62a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail’in hanımı Emine Hatun’a mehr-i muaccel bedelini ödemesi Mehr-i mu‘accel hükmü Ma‘rûz Sâhibe-i arzuhâl mu‘arrefetü’z-zât Emine bt. Ali nâm hatun İstanbul Bâb Mahkemesi’nde meclis-i şer‘de hâlâ zevci derûn-ı arzuhâlde ismi mezkûr Tavlacı İsmail b. Salih nâm kimesne muvâcehesinde ben bundan akdem nefsimi merkūm İsmail’e dört yüz yirmi beş guruş mehr-i mu‘accel ve dört yüz elli bir guruş mehr-i müeccel tesmiyesiyle <> tezvîc ve tenkîh eylediğimde ol dahi ber-vech-i muharrer tezevvüc ve duhûl edip lâkin mehr-i mu‘accel-i mezbûrumu henüz bana edâ ve îfâ etmemekle suâl olunup mehr-i mu‘accel-i mezkûrumu bana edâ ve îfâya zevcim merkūm İsmail’e tenbîh olunmak matlûbumdur deyü ba‘de’d-da‘vâ ve’l-istintâk ol dahi cevâbında müdde‘iyye-i mezbûre Emine Hatun’un ber-vech-i muharrer müdde‘âsını bi-tamâmihâ tâyi‘an ve kat‘iyyen ikrâr ü i‘tirâf etmeğin alâ-mûcib-i i‘tirâfihî mehr-i mu‘accel-i mezkûr dört yüz yirmi beş guruşu zevcesi müdde‘iyye-i mezbûre Emine Hatun’a edâ ve teslîme merkūm İsmail’e tenbîh olunduğu huzûr-ı [âlîlerine i‘lâm olundu] Fî 9 S sene [12]56