Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 319 Hüküm no: 467 Orijinal metin no: [62a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sepetçi Osman’ın İsmail’e açtığı alacak davasında sulh olduğu Ma‘rûz Sepetçi esnâfından Osman b. Mustafa nâm kimesne İstanbul Bâb Mahkemesi’nde meclis-i şer‘de el-Hâc İsmail b. Mehmed nâm kimesne muvâcehesinde mezbûr el-Hâc İsmail işbu târîhden on bir sene mukaddem mâlımdan üç yüz guruş kıymetli bir kilim ve bir seccâdemi fuzûlî ahz ve âhara bey‘le istihlâk etmekle kıymet-i mezkûreleri olan üç yüz guruşu merkūm el-Hâc İsmail’den tazmîn taleb ederim deyü tasaddî eylediğim da‘vâmdan bâ-tavassut-ı muslihîn merkūm İsmail ile bi’t-tav‘ ve’r-rızâ yüz guruş bedel-i medfû‘ ve makbûza sulh olduğumda [62b] ol dahi sulh-ı mezkûru ba‘de’l-kabûl mâ‘adâya ve bi’l-cümle husûs-ı mezkûra ve işbu târîhe gelince sâir cemî‘ hukūk-ı şer‘iyyeye müte‘allika âmme-i da‘vâdan tarafeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri bi’l-iltimâs huzûr-ı [âlîlerine i‘lâm olundu] Fî 8 S sene [12]56