Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 319 Hüküm no: 468 Orijinal metin no: [62b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Musa’nın Bakkal Anaştaş’a olan borcunu ödemesi 65 guruş 19 [para] hüküm Ma‘rûz Bakkāl tâifesinden Anaştaş v. Eftim nâm zimmî İstanbul Bâb Mahkemesi’nde meclis-i şer‘-i münîrde etbâ‘dan es-Seyyid Musa b. Mustafa nâm kimesne muvâcehesinde mezbûr es-Seyyid Musa zimmetinde bundan akdem mâlımdan ve yedimden iktirâz ve kabz eylediği ma‘lûmü’l-vezn ve’l-fiyat erzâk-ı mütenevvi‘a-i ma‘lûme semeninden gayr-ı ez-teslîmât sahhu’l-bâkī alacak hakkım olan altmış beş guruş on dokuz parayı mezbûr es-Seyyid Musa’dan hâlâ taleb ederim deyü ba‘de’d-da‘vâ ve’l-inkâr müdde‘î-i mersûm ber-vech-i muharrer müdde‘âsına ikāmet-i beyyine edemeyip <> talebiyle mezbûr es-Seyyid Musa’ya üç def‘a yemîn teklîf olundukda ol dahi yemînden nükûl etmeğin mûcebince meblağ-ı mezkûr altmış beş guruş on dokuz parayı müdde‘î-i mersûm Anaştaş zimmîye edâ ve teslîme merkūm es-Seyyid Musa’ya tenbîh olunduğu mübâşirleri Bâb-ı Seraskerî kavaslarından Kayseriyeli Hüseyin Kavas kulları yediyle huzûr-ı [âlîlerine i‘lâm olundu] Fî 9 S sene [12]56