Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 321 Hüküm no: 471 Orijinal metin no: [62b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Emine Hatun’un geçinemediği kocası Zeynelabidin ile muhalaa yoluyla boşandığı Muhâla‘a Ma‘rûz İstanbul’da Mevlevîhânekapısı kurbünde Simkeş mahallesinde sâkine zâtı mu‘arrefe Şerife Emine bt. Mustafa nâm hatun [İstanbul Bâb Mahkemesi’nde] meclis-i şer‘-i şerîf-i enverde zevc-i muhâlı‘ı Zeynelabidin b. Mustafa nâm kimesne mahzarında mezbûr Zeynelabidin zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel hakkım olan doksan bir guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyyete müte‘allika da‘vâdan tarefeynden her birimiz âharın zimmetini kabûlü hâvî ibrâ ve iskāt eyledik <> deyü ikrâr ve tasdîkleri huzûr-ı [âlîlerine i‘lâm olundu] Fî 14 Zilka‘de sene [12]55