Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 322 Hüküm no: 472 Orijinal metin no: [63a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Sâbire Hatun’a kocası Tatar Abdüllatif Ağa’nın evini gidip zevciyet hukukunu yerine getirmesi için yapılan tenbih İtâ‘ate tenbîh Ma‘rûz Medîne-i Üsküdar’da Debbâğlar mahallesinde sâkin Tatar es-Seyyid Abdüllatif Ağa b. Murad nâm kimesne İstanbul Bâb Mahkemesi’nde meclis-i şer‘-i münîrde hâlâ zevcesi mu‘arrefetü’z-zât Sâbire bt. el-Hâc Mehmed nâm hatun muvâcehesinde mezbûre Şerife Sâbire Hatun bin iki yüz guruş mehr-i mu‘accel-i müstevfâ ve sekiz yüz bir guruş mehr-i müeccel tesmiyeleriyle zevce-i menkûha-i medhûlün-bihâm olup lâkin bana itâ‘at ve hukūk-ı zevciyyete mürâ‘ât etmemekle suâl olunup mahalle-i mezbûrede vâki‘ mesken-i şer‘î olan menzilime gelip bana itâ‘at ve hukūk-ı zevciyyete mürâ‘ât etmek üzere zevcem mezbûre Şerife Sâbire Hatun’a tenbîh olunmak matlûbumdur deyü da‘vâ ettikde ol dahi cevâbında kaziyye minvâl-i muharrer üzere olduğunu tâyi‘aten ve kat‘iyyen ikrâr ü i‘tirâf etmeğin mûcebince zevci müdde‘î-i mezbûr es-Seyyid Abdüllatif Ağa’nın menziline gidip itâ‘at ve hukūk-ı zevciyyete mürâ‘ât etmek üzere mezbûre Şerife Sâbire Hatun’a tenbîh olunduğu mübâşirleri Bâb-ı Seraskerî kavaslarından Mehmed Kavas kulları yediyle huzûr-ı [âlîlerine i‘lâm olundu] Fî 8 S sene [12]56