Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 323 Hüküm no: 475 Orijinal metin no: [63b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un Hatice Hatun’a açtığı alacak davasında sulh olduğu 200 guruş sulh Ma‘rûz İstanbul’da Kocamustafapaşa kurbünde el-Hâc Hüsrev mahallesinde sâkine Ümmühânî Hatun bt. Ahmed’in kızının oğlu ve tarafından husûs-ı âti’l-beyânda vekîl olduğu zât-ı mezbûreyi ârifân Hüseyin Ağa b. Ahmed ve Mehmed Ağa b. İbrahim nâm kimesneler şehâdetleriyle sâbit olan İmâmeci Ahmed Ağa b. Mustafa nâm kimesne İstanbul Bâb Mahkemesi’nde meclis-i şer‘de İstanbul’da Süleymaniye kurbünde Kâtibşemseddin mahallesinde sâkine zâtı mu‘arrefe Hadice bt. Mehmed nâm hatunun zevci ve tarafından zikr-i câî husûsda tasdîka vekîl-i müseccel-i şer‘îsi Örücü el-Hâc Lütfullah Ağa muvâcehesinde müvekkile-i mezbûre Hadice Hatun zimmetinde işbu yedimde olup bin iki yüz elli dört senesi şehr-i Rebî‘ülevveli’nin gurresi târîhiyle müverrah bir kıt‘a temessük mantûkunca ceddem müvekkilem merkūmenin mâlından ve yedinden iktirâz ve kabz ve umûruna sarfla istihlâk eylediği üç yüz elli guruş alacak hakkı olmağla meblağ-ı mezkûru müvekkile-i mezbûre Hadice Hatun’dan bi’l-vekâle hâlâ taleb ederim deyü tasaddî eylediğim da‘vâmdan bâ-tavassut-ı muslihîn müvekkile-i merkūme Hadice Hatun ile bi’t-tav‘ ve’r-rızâ iki yüz guruş bedel-i medfû‘ ve makbûza ba‘de akdi’l-musâlaha ve’l-kabûl mâ‘adâya ve bi’l-cümle husûs-ı mezkûra müte‘allika âmme-i da‘vâdan tarafeynden her birimiz âharın zimmetini bi’l-vekâle kabûlü hâvî ibrâ ve iskāt eyledik deyü ikrâr ve tasdîkleri mübâşirleri Bâb-ı Seraskerî kavaslarından Küretünnühâslı Hüseyin Kavas kulları yediyle huzûr-ı [âlîlerine i‘lâm olundu] Fî-gurreti S sene 1256