Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 324 Hüküm no: 476 Orijinal metin no: [63b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Berber Dimitri’nin kahve bedelinden Kahveci Mehmed Emin Ağa’ya olan borcunu ödemesi 696 guruş hüküm Ma‘rûz Meshûk kahveci esnâfından Mehmed Emin Ağa b. Süleyman nâm kimesne İstanbul Bâb Mahkemesi’nde meclis-i şer‘de Berber Dimitri v. Tanaş nâm zimmî muvâcehesinde mersûm Dimitri zimmî zimmetinde bundan akdem mâlımdan ve yedimden iştirâ ve kabz eylediği vezn ve fiâtı beynimizde ma‘lûm meshûk kahve semeninden ba‘de külli’l-hesâb gayr-ı ez-teslîmât sahhu’l-bâkī altı yüz doksan altı guruş alacak hakkım olmağla meblağ-ı bâkī-i mezkûru mersûm Dimitri <> zimmîden hâlâ taleb ederim deyü ba‘de’d-da‘vâ ve’l-istintâk ol dahi cevâbında müdde‘î-i merkūm Mehmed Emin Ağa’nın ber-vech-i muharrer müdde‘âsını bi-tamâmihi tâyi‘an ve kat‘iyyen ikrâr ü i‘tirâf etmeğin alâ-mûcibi i‘tirâfihî meblağ-ı bâkī-i mezkûr altı yüz doksan altı guruşun müdde‘î-i merkūm Mehmed Emin Ağa’ya edâsıyla mersûm Dimitri zimmî ilzâm olunduğu mübâşirleri Bâb-ı Seraskerî kavaslarından Divriğili Mehmed Kavas kulları yediyle huzûr-ı [âlîlerine i‘lâm olundu] Fî 9 S sene 1256