Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 325 Hüküm no: 477 Orijinal metin no: [63b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çolak İbrahim Ağa’nın Manav Yamandi’ye olan borcunu ödemesi 777 guruş hüküm Ma‘rûz Arzuhâl eden Manav Yamandi v. Petro nâm zimmî İstanbul Bâb Mahkemesi’nde meclis-i şer‘-i hatîrde derûn-ı arzuhâlde mezkûrü’l-ism Çolak İbrahim Ağa b. Mehmed nâm kimesne muvâcehesinde mezbûr İbrahim Ağa zimmetinde yedimde olup bin iki yüz elli beş senesi Zilhiccetü’ş-şerîfesi’nin yirmi birinci günü târîhiyle müverrah bir kıt‘a temessük mantûkunca cihet-i karzdan yedi yüz yetmiş yedi guruş alacak hakkım olmağla meblağ-ı mezkûru merkūm İbrahim Ağa’dan hâlâ taleb ederim deyü da‘vâ ettikde ol dahi cevâbında kaziyye minvâl-i meşrûh üzere olduğunu ikrâr ü i‘tirâf etmeğin mûcebince meblağ-ı mezkûr yedi yüz yetmiş yedi guruşun müdde‘î-i mesfûr Manav Yamandi zimmîye edâsıyla mezbûr İbrahim Ağa ilzâm olunduğu huzûr-ı [âlîlerine i‘lâm olundu] Fî 8 S sene [12]56