Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 325 Hüküm no: 478 Orijinal metin no: [64a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kürkçü Vasil’in Kürkçü Aci Yorgi’ye olan borcunu ödemesi 2795 guruş hüküm Ma‘rûz Kürkçü tâifesinden Aci Yorgi v. Vasil nâm zimmî İstanbul Bâb Mahkemesi’nde meclis-i şer‘-i hatîrde tâife-i mezbûrdan Vasil v. Praşkova nâm zimmî muvâcehesinde mersûm Vasil zimmî zimmetinde işbu yedimde olup sene-i sâbıkā Zilhiccetü’ş-şerîfesi’nin on ikinci günü târîhiyle müverrah bir kıt‘a temessük mantûkunca mâlımdan ve yedimden iştirâ ve kabz eylediği cins ve fiâtı beynimizde ma‘lûm kürk semeninden iki bin yedi yüz beş guruş alacak hakkım olmağla meblağ-ı mezkûru mesfûr Vasil zimmîden hâlâ taleb ederim deyü da‘vâ ettikde ol dahi cevâbında ikrâr lâkin deynim olan meblağ-ı mezkûrun iki bin guruşunu bundan akdem dâyinim müdde‘î-i mesfûr Aci Yorgi zimmîye def‘aten edâ ve teslîm etmemle ancak zimmetimde yedi yüz doksan beş guruş deynim kalmışdır deyü müdde‘î-i mesfûrun inkârına mukārin mikdâr-ı mezkûrda eylediği def‘ine ikāmet-i beyyine edemeyip tahlîfe dahi tâlib olmamağın mûcebince dâfi‘-i mersûm Vasil zimmî def‘-i mezkûruyla mersûm Aci Yorgi zimmîye bilâ-beyyine mu‘ârazadan ba‘de’l-men‘ mersûm Vasil zimmînin sâlifü’l-beyân ikrâr ve i‘tirâfıyla lâzım gelen meblağ-ı mezkûr iki bin yedi yüz doksan beş guruşun müdde‘î-i mesfûr Aci Yorgi zimmîye edâ ve teslîmiyle mersûm Vasil zimmî ilzâm olunduğu mübâşirleri Bâb-ı Seraskerî kavaslarından Osman Kavas kulları yediyle huzûr-ı [âlîlerine i‘lâm olundu] Fî 3 S sene [12]56