Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 326 Hüküm no: 479 Orijinal metin no: [64a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terzi Antrani’nin kefaletten dolayı Ahmed Efendi’ye olan borcunu ödemesi 144 [guruş] on altı para kefâletden hüküm Ma‘rûz Ahmed Efendi b. el-Hâc Mustafa nâm kimesne İstanbul Bâb Mahkemesi’nde meclis-i şer‘-i münîrde derzi tâifesinden Antrani v. Avak nâm zimmî muvâcehesinde benim gāib ani’l-meclis Azarya v. Avak zimmî zimmetinde kuru üzüm semeninden alacak hakkım olan yüz kırk dört guruş on altı paraya mersûm Antrani zimmî bundan akdem tarafeynden bi’l-emr ve’l-kabûl kefâlet-i mutlaka-i sahîha-i şer‘iyye ile kefîl ve dâmin olmağla meblağ-ı mekfûlün-bih-i mezkûr yüz kırk dört guruş on altı parayı mersûm Antrani zimmîden kefâlet-i mahkiyesine binâen hâlâ taleb ederim deyü ba‘de’d-da‘vâ ve’l-ikrâr mûcebince meblağ-ı mezkûr yüz kırk dört guruş on altı parayı müdde‘î-i mezbûr Ahmed Efendi’ye bi-hükmi’l-kefâle edâ ve teslîme mersûm Antrani zimmîye tenbîh olunduğu mübâşirleri Bâb-ı Seraskerî kavaslarından Seyyid Ali Kavas kulları yediyle huzûr-ı [âlîlerine i‘lâm olundu] Fî 10 S sene [12]56