Bab Mahkemesi 397 Numaralı Sicil (H. 1255-1256 / M. 1839-1840) cilt: 95, sayfa: 326 Hüküm no: 480 Orijinal metin no: [64a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şerife Ayşe Hatun’un geçinemediği kocası Ömer ile muhalaa yoluyla boşandığı Muhâla‘a Ma‘rûz İstanbul’da Aksaray kurbünde Kazgânîsadi mahallesinde sâkine sâhibe-i arzuhâl mu‘arrefetü’z-zât Şerife Âişe bt. Ömer nâm hatun İstanbul Bâb Mahkemesi’nde meclis-i şer‘de zevc-i muhâlı‘ı derûn-ı arzuhâlde mezkûrü’l-ism Ömer b. Mehmed nâm kimesne muvâcehesinde mezbûr Mehmed zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel hakkım olan iki yüz guruş ile nafaka-i iddet-i mu‘ayyene-i ma‘lûmem üzerlerine ve me’ûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyyete müte‘allika da‘vâdan tarefeynden her birimiz âharın zimmetini kabûlü hâvî ibrâ ve iskāt eyledik deyü ikrâr ve tasdîkleri huzûr-ı [âlîlerine i‘lâm olundu] Fî 12 S sene [12]56