|
Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 126 Hüküm no: 113 Orijinal metin no: [23a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Halep’teki Şaban Ağa b. Ahmed Mescid Dershanesi Vakfı mütevellisi Hatice Hanım’ın vefatıyla bu görevin oğullarına verilmesi
Sâdır olan fermân-ı âlîlerine imtisâlen mahrûse-i Bursa nâibi müderrisîn-i kirâmdan Muhyizâde es-Seyyid Ali Eşref Efendi dâ‘îlerinin mührü mutâbık işbu arzıyla derkenâra nazar olundukda medîne-i Halebü’ş-şehbâ’da vâki‘ Haleb muhassılı merhûm Şaban Ağa b. Ahmed Mescid-i şerîf Dershânesi Vakfı’nın vazîfe-i mu‘ayyene ile bâ-berât-ı şerîf-i âlîşân mutasarrıfe olan Hadîce Hanım bundan akdem fevt olup mahlûlünden tevliyet-i mezkûre vazîfe-i mu‘ayyenesiyle sulbî kebîr es-Seyyid Ali ve es-Seyyid Mehmed Ârif ibney Yakub <> dâ‘îlerinde olduğu arz-ı mezkûr meâlinden ve derkenârdan [müstebân] ve merkūmân müteveffiye-i mûmâ-ileyhânın sulbî sahîh oğulları ve umûr-ı vakfı rü’yete a‘lem olup ber-mûceb-i şart-ı vâkıf ve amel-i kadîm batn-ı bûyet tasarruf kesb? merkūmân es-Seyyid Mehmed Ali ve es-Seyyid Mehmed Ârif nâm karındaşların idiği Der-aliyye’de müsâfireten sâkinler bî-garaz mevsûku’l-kelim <> es-Seyyid Osman b. Mustafa ve Molla Mehmed Ali b. Mehmed nâm karındaşlar alâ-tarîkı’ş-şehâde haber vermeleriyle zâhir ve nümâyân olmağın bu sûretde ber-mûceb-i şart-ı vâkıf ve amel-i kadîm üzere müteveffiye Hadîce Hanım’ın mahlûlünden sulbî oğulları merkūmân es-Seyyid Mehmed Ali ve es-Seyyid Mehmed Ârif ibney Yakub dâ‘îlerine iştirâken tevcîh ve yedlerine müceddeden berat-ı şerîf-i âlîşân inâyet ve ihsân buyurulmak iktizâ eylediği huzûr.
|